Maxkamad ku taala dalak New Zealand ayaa waxaa la sheegay inay xukunku riday
haweeney Soomaali ah oo lagu soo eedeeyey inay afduub u geysatey diyaarad laga
leeyahay dalkaas New Zealand.
Caasha
Cali Cabdulle oo ah haweeney qaxooti ku ahayd dalka New Zealand ayaa waxaa la
sheegay inay maxkamad ku taala magaalada Christchurch ee dalkaas New Zealand ay
ku xukuntay 9 sano oo xarig ka dib markii ay ku cadaatey dambiga ah inay
afduubtay diyaarad lag leeyahay dalkaas, Haweeneydaan ayaa sanadkii 2008 waxay
ku qafaalatey diyaarad dalkaas iyadoo walibana dhaawac u geysatey
duuliyayaashii diyaaradaas, Haweeneydaan oo diyaaradaas ka soo raacday
magaalada ay ku nooleyd Blenheim ayaa waxay diyaaradaas ku jeeday magaalada
Christchurch ee isla dalkaas New Zealand gudihiisa
Laakiin
haweeneydaas ayaa intay hawada ku jirtey diyaaradaas waxay weerar ku qaaday
duuliyayaasha diyaaradaas iyadoo ku hubeysan ilaa iyo 3 midiyood sidoo kalena
sheegtay inay wadato bambooyin iyadoona weydiisatey duuliyaha diyaarada inuu u
duuliya dalka Australia, laakiin duuliyaha ayaa u sheegay inaysan haysan
shidaal ama baasiin ku filan oo ay ku gaari karaan dalkaas ka dibna
haweeneydaas ayaa caro awgeed waxay la dhacday mindidii duuliyihii diyaarada
taas oo ay ka dhaawacday ilaa iyo dhowr meelood, sidoo kale ayey waxay halkaas
ku dhaawac kaaliyii duuliyaha iyadoona guud ahaan ay halkaas ku dhaawacmeen
ilaa iyo 8 qofood oo la socday diyaaradaas , laakiin dagaal iyo harden ka dib
ayaa duuliyayaashii diyaaradaas oo kaalmo ka helaayo rakaabkii saarnaa
diyaaradaas waxay ku guuleysteen inay gacanta ku dhigaan haweeneydaas
Soomaalida ka dibna lagu wareejiyo booliiska dalkaas.
Ugu
dambeyntiina iyadoo haweeneydaas Soomaalida lagu riday xukunkaas ayaa
haweeneydaas waxay sheegtay inay ujeedkoodu ahayn inay wax afduubto laakiinse
ay rabtey oo kaliya inay gaarto dalka Australia iyadoona sheegtay in dalka New
Zealand ay si xun ula dhaqmeen oo ayna ku dhibaatootay islamarkaana ay u
diideen inay u noolaato si caadi ah, haweeneydaan ayaa waxaa maxkamada horteed
laga cadeeyey inay tahay qof xanuunsan maskaxiyan islamarkaana uu dhib baaxad
weyn ku soo qabsaday dalka Soomaaliya inta aysan ka soo qaxin dalkaas.
_______________________________
Nagala Soo xariir emailka
newbanaadir@hotmail.com
www.newbanaadir.com
