Wasiir ka tirsan Dawlada Norway oo Af Soomaali kaga yaabsaday Xubnaha Baarlamaanka Somalia (Daawo Muuqaal+Warbixin)

Gudoomiyaha Baarlamaanka Jamhuuriyadda Federaalka Soomaaliya Mudane Prof Maxamed Sheekh Cismaan Jawaari iyo xubno kale oo la socda ayaa maalmahaan ku sugnaa dalka Norway gaar ahaan magaalada caasimada ah ee Oslo.

Xubnaha Baarlamaanka Soomaaliyeed ee ku sugan dalka Norway ayaa u jooga halkaas barashada macluumaad ku saabsan qaabka uu u shaqeeyo Baarlamaanka dalka Norway oo lagu sheegay mid ka mid ah Baarlamaanada Dunida ugu hor marsan .

Gudoomiyaha Baarlamaanka Jamhuuriyadda Federaalka Soomaaliya Mudane Prof Maxamed Sheekh Cismaan Jawaari oo Qudbad u jeediyay Shacabka Soomaaliyeed ee halkaas ku nool waxa uu carabka ku dhuftay in uu ku faraxsan yahay in uu dib ugu soo laabto dalka Norway oo uu mudo 19 sano ah ku noolaa waliba dib ugu soo laabtay isaga oo xil u haya Shacabka Soomaaliyeed.

Wasiirka Horumarinta dalka Norway Mr. Heikki Holmas oo ka hadlay munaasabadaan ayaa waxa uu Af Soomaali kaga yaabsaday Xubnihii Baarlamaanka Soomaaliyeed ka socday ee gaaray dalka Norway & Shacab kale oo munaasabadaan iskugu soo baxay kaas oo Soomalida ku salaamay " Galab Wanaagsan " 

Halkaanka Daawo Wasiir Reer Norway ah oo Xubnaha Baarlamaanka Soomaaliyeed &Shacab kale Af Soomaali ku salaamay

_______________________________
Nagala Soo xariir emailka
newbanaadir@hotmail.com
www.newbanaadir.com