Ciyaaryahanka khadka dhexe ee Arsenal Jack Wilshere ayaa shaaca ka qaaday inuu taleefan ka wacay Paul Scholes islamarkaana ay taasi ka dhaadhicisay inuu weli gaari karo yoolkiisa xirfada ciyaareed.
Ciyaaryahankii hore ee Manchester United Scholes ayaa isagoo ka hadlayay telefishin waxa uu ku weeraray Wilshere isagoo sheegay in Wilshere uusan wax horumar ah sameynin tan iyo markii uu ahaa 17 sanno jir.
Sidaasi darted Wilshere ayaa wacay Scholes si uu u weydiiyo waxa uu kala jeeday hadaladiisa.
Wilshere oo u hadlayay The Times ayaa yiri: “Haddii ay hadaladaas ka imaan lahaayeen ciyaaryahan qashin ah waxaan ku oran lahaa, ‘Maxaad ka hadleysaa?’ laakiin waxa ay hadaladaas ka yimaadeen Paul Scholes, sidaasi darted waxaan doonayay inaan ka salgaaro waxa uu kala jeeday. Waan la hadlay isaga, si fiican ayuun wax iigu sharaxay, waxaana uu ii sheegay meelaha ay tahay inan xooga saaro oo aan ka shaqeeyo.”
_______________________________
Nagala Soo xariir emailka
newbanaadir@hotmail.com
www.newbanaadir.com
