Shan caruur ah ayaa saaka ku geeriyootay degmada Balcad tiro intaa ka badanna wey ku dhaawacmeen kadib markii caruurtaasi ay ku qaraxday Bum ay ku ciyaarayeen.
Guddoomiyah gobolka Shabeelaha dhexe Cabdi Jiinoow Calasow ayaa Radio Muqdisho u sheegay in masiibadani ay saaka dhacday kadib markii koox caruur ah ay gudaha degmada Balcad kula qaraxday Bum Anti tangi ah oo ay meel ka soo qaadeen kuna ciyaarayeen.
Shan caruur ah ayaa ku nafweeysay qaraxaasi sida uu xaqiijiyay guddoomiyaha oo intaa ku daray in dhaawacana uu ku dhawyahay ilaa Toban kuwaas oo qaarkood ay xaaladdoodu liidato.
Meelaha dagaalladu ka dhacaan ayaa inta badan waxaa lagu arkaa walxaha qarxa oo halis u ah in ay caruurtu ku waxyeeloobaan kadib marka ay ku ciyaaraan walxahasi oo aysan garaneynin halista ka dhalan karta.
