Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo galabta ka ambabaxay magaaladda Muqdisho ayaa gaaray caasimadda dalka Jabuuti iyadoona garoonka ku soo dhoweyeen Madaxda Dowladda Jubuuti ee uu ugu hooreeyo Madaxweynaha Jabuuti Mudane Ismaaciil Cumar Geelle.
Kadib markii Madaxweynaha garoonka lagu soo dhaweyey ayaa waxa uu kulan la qaatay Madaxweynaha dalka Jabuuti Ismaaciil Cumar Geelle, iyagoona ka wada hadlay xaaladda Soomaaliya iyo xiriirka labada dalka ee walaalaha ah.
Madaxweynaha Soomaaliya oo ay safarkiisa ku wehliyaan saraakiil ka tirsan Madaxtooyadda Soomaaliya, Xildhibaano, iyo Gudoomiyayaasha jamaacadaha dalka Soomaaliya ayaa waxaa loo galbiyey Hotelka kempiski ee magaaladda Jabuuti, waxaana caawa halkaasu casho sharaf ugu sameyey Madaxweynaha dalka Jabuuti.
Ugu dambeeyntii Madaxweynaha Jamhuuriyadda federaalka Soomaaliya iyo wafdiga ayaa maalinta berrita ah ka qayb geli doona sannad guuradii 40 aad ee ka soo wareegatay markii ugu horeysay ee la qoro Afka Soomaaliga ee uu ujeedda safarka ahaa.
_______________________________
Nagala Soo xariir emailka
newbanaadir@hotmail.com
www.newbanaadir.com
