 |
Fifa ayaa si cad u diiday in ay ku lug yeelato dooda ka taagan ciyaaryahanka heysta record-ka goolasha ugu badan ee hal sano gudaheed la dhaliyo.
Diidmadaasi ayaa soo baxday markii saxaafada adduunku ay tabiyeen in Lionel Messi uu yahay ninka ugu goolasha badan adduunka sanadka 2012, isagoo record-kaasi ka qaaday xiddigii reer Germany Gerd Mueller kaasoo 40 sano ka hore record-kaasi dhigay.
Arrintaani sidoo kale waxey timid xilli xiriirka kubadda cagta Zambia ayaa diiday sheegashada Messi iyagoo ku andacooday in Godfrey Chitalu uu yahay ninka ugu goolasha badan adduunka maadaama uu 107 gool dhaliyay sanadkii 1972.
“Fifa ma keydiso taariikhaha ka dhaca horyaaladda kala duwan ee adduunka laga ciyaaro”, sidaa waxaa BBC Sports u sheegay afhayeenka FIFA oo la yiraah Alex Stone.
FIFA waxey sheegtay in ay keydiso oo kaliyaha waxyaabaha ka dhaca tartamada caalamiga ah oo kaliyaha laakiin aysan ku lug laheyn waxyaabo kale, sidaa dartee aysan cadeyn karin cida heysata record goolasha adduunka.
Stone wuxuu xaqiijiyay in Fifa aysan aqoonsaneyn taariikhda uu sameeyay Messi.
Sunni Said Salah
xigasho ciyaaro
_______________________________
Nagala Soo xariir emailka
newbanaadir@hotmail.com
www.newbanaadir.com
