Kumanan ka mid ah Qaxootiga Soomaalida ee ku noolaa dalka Kenya ayaa
ku Soo qulqulaya gudaha dalka, iyadoo saraakiisha socdaalka iyo
dhirkada duulimaadku ayy faahfaahin ka bixiyeen tirada maalin kasta
dalka ku soo laabta.
Maalin walba garonka diyaaradaha Aadan Cadde waxaa soo caga dhigta ku
dhawaad 5 diyaaradood oo intooda badan uu duulimaadkoodu yahay Muqdisho
Nairobi, waxaa saaran duyuuradahaasi rakaab Soomalia ah oo aad u tira
badan, kuwaasi oo badankooda ka yimid magaalada Nairobi ee Caasimada
dalka Kenya, kadib marki ay saameysay dhibaatada dalkaasi ka jirto.
Si aan wax badan uga ogaano tirada dadka Soomaalida ah ee maalin
kasta soo gaara Muqdisho kuwaas oo ka yimaada maggaalada Nairoobi.
Jabriil Jaamac Nuur oo ah mas’uul ka tirsan shirkada Jubba Airways
ayaa sheegay in ay kordheen tirada duulimaadyada ka
yimaada Nairoobi, isagoo sheegay in wax korar ah uusan ku imaan
qiimaha marki hore looga imaan jiray Kenya.
General C/laahi Gaafow Maxamuud ayaa sheegay in dhibaatada ugu badan
ee heysata waaxda socdaalka iyo jinsayadaha ay tahay dadka ka imanayo
kenya ee Somalida ah oo aan heysan Baasaboorka Somaliga ah, taasina ay
dhib ku tahay amniga garoonka.
Qulqulka dadka ku soo laabanaya dalka oo gaaraya 4 boqol oo qof
maalin kasta waxa ay u badan yihiin haween iyo caruur, kuwaasi oo ay
qaarkooda saameysay falalka amni darada ah ee ka dhacaya dalkaasi.
_______________________________
Nagala Soo xariir emailka
newbanaadir@hotmail.com
www.newbanaadir.com
