Maamulka gobolka Bakool ee koonfurta Soomaaliya ayaa shaaca ka
qaaday iney alshabaab ka saareen deegaano badan oo ay gobolkaas kaga sugnaayeen
gudoomiyaha gobolka Bakool Max’ed Macalin ayaa warbaahinta u sheegay in
maamulka gobolka Bakool uu alshabaab ka saaray deegaano dhowr ah oo ay ku
sugnaayeen, isagoona ballan iney alshabaab ka sifeyn doonaan gobolka Bakool oo
ay xiligan ku suganyihiin deegaano ka tirsan gobolkaas.
Gudoomiyaha ayaa sheegay
iney wadaan dagaalo iyo hawlgalo ay doonayaan iney gabi ahaanba gobolkaas kaga
saaraan alshabaab wuxuuna wacad ku maray in bishan soo socota ay alshabaab ka
nadiifin doonaan deegaanada ay uga harsanyihiin gobolka Bakool ee koonfur galbeed
Soomaaliya.
Gudoomiye Maxamed Macalin
ayaa sheegay in alshabaab aysan waqtiga lahayn awood ay iskaga difaacaan
weerarada ay ku qaadayaan isagoona arintaa u aaneeyey labo arimood oo uu
sheegay iney alshabaab lasoo darseen,tan koowaad ayuu ku sheegay inshabaabka
Soomaaliya uu soo kala dhexgalay khilaaf baahsan oo hareeyey hogaamiyaashooda
iyo arinta kale oo ah dhaqaalo xumo baahsan oo soo foodsaartay alshabaab kadib
markii laga saaray deegaano badan oo ay dhaqaalo ka heli jireen.
Gudoomiyaha gobolka Bakool
ayaa ka codsaday dowlada Soomaaliya iney garab ku siiso maamulkiisa sidii ay
alshaab uga saari lahaayeen deegaanada ay uga suganyihiin gobolka Bakool oo
waqti xaadirkan ay ka socdaan dagaalo u dhexeeya alshabaab iyo ciidamada
dowlada Soomaaliya oo garab milateri ka helaya kuwa Itoobiya.
_______________________________
Nagala Soo xariir emailka
newbanaadir@hotmail.com
www.newbanaadir.com
