Xarakada Al-Shabaab ayaa baahisay Fariin Muuqaal ah oo laga soo duubay Muwaadiniin Kenyan ah oo ku jira Gacanta Al-Shabaab kuwaa oo fariin u diray Dowlada iyo Shacabka Kenya uguna baaqay in noloshooda la badbaadiyo oo Al-Shabaab laga sii daayo.
Maxaabiistan Al-Shabaab gacanta ku hayaan ee u dhashay Dalka Kenya ayaa gaaraya ilaa 6-Nin kuwaa oo laga soo qafaashay gudaha Dalkaasi taariiqdu marka ay aheed Bishii Janaayo ee Sandii 2012-ka iyadoona Fariinta ee soo direen ee hada tahay mid xasaasi ah oo ku dalbanyaaan in la badbaadiyo.
Shuruudaha lagu xiray Sii deynta Maxaabiista Kenyaatiga ah
Dowlada Kenya waxay haysataa 3 Isbuuc oo ka bilaabanaysa Saqda dhexe Taariikhdu marka ay tahay 24-01-2013 si ay uga soo jawabaan Shuruudaha Mujaahidiinta, Hadii ay doonayaan in Nolosha Maxaabiisteeda, Shuruudahaas oo kala ah.
1: Dowlada Kenya waa inaysii daysaa dhamaan Maxaabiista Muslimiinta ah ee ay u xir-xireen sababo la xiriira La dagaalanka Islaamka.
2: Dowlada Kenya waa inay xaqiijiyaan in la siidaayo dadka Muslimiinta ah ee ay u gacangeliyeen Dowlada Yugaandha sababo la xiriira Dagaalka ka dhanka ah Islaamka.
3: Sii deynta dadkaas Maxaabiista Muslimiinta ah waa in aysan wax shuruud ah ku xirnaanin isla markaana ay ay noqodaan mid shaacsan oo aan qarsanoonayn.
Hadii uu dhamaado waqtiga loo qabtay arintan, dhamaan Maxaabiista Gaalada ah Kenyaatiga ah ee kasoo muuqday filimkaan waxaa lagu fulin doonaa Xukun Dil ah.
Nuxurka Codsiga Maxaabiista oo Af-Soomaali ku Tarjuman
Magacayu waa {Mulle Yesse}, waxaanan u hadlayaa dhamaan Maxaabiista Kenyaatiga ah ee k u jirta Gacanta Al-Shabaab. Waxaan Codsi iyo Fariin adag u diraynaa Dowladeena in ay ka hawlgasho sidii aan Xoriyadeena dib ugu heli lahayn. Qaar naga mid ah waxay cimrigooda intii ugu badnayd ku bixiyeen ka shaqaynta Danaha Guud, anagoo aanan u adeegeynin oo kaliya Dowlada Kenya, balse sidoo kale u adeegeynay Guud ahaan Shacabka Kenya. Wax badan ayaan u dadaalnay wadankeena, hadana waxaan u baahanahay inaad kaalintiina qaadataan oo aad naga caawisaan inaan anagoo nabad qabna dib ugu soo laabano guryeheena iyo qoysaskeena.
Waxa aan idanka codsanayno waa inaad tixgelisaan Shuruudaha Al-Shabaab si aan anagoo bad-qabna dib ugu soo laabano wadankeena. Sida labada Musharax-Madaxweynayaal ee kala ah Uhuru Kenyaata iyo Wilyan Rutu inta ay khilaafaadkoodii meel iska dhigeen ay awoodoodii u mideeyeena, waxaan ka baryaynaa Shacabka Kenya, Warbaahinta Kenya iyo Dowlada Kenya in ay dadaalkooda mideeyaan si aan Xoriyadeena dib ugu helno.
Dowladeenu waxaa ay Ciidamada iyo Wadanka oo idil u abaabushay dagaal markii ugu horeysey Taariikhda si ay usoo badbaadiso labo Dalxiisayaal Reer Galbeed ah oo wadanka laga soo afduubay, Waxaan waydiinayaa Shacabka Kenya “ Labadaas qof ee Ajanabiga ah ma anaga ayay naga muhiimsanyihiin? Bal u fiirsada Dowladaha labadaas qofood ee Ajanabiga ah Soomaaliya uma so gelin si ay dadkooda u badbaadiyaan, Anaguna hadii aan nahay Muwaadiniin Kenyaati ah, anaga ayaa uga xaqnimo badan in Wadankeenu uu na badbaadiyo oo u caawiyo.
Walaalahayga Reer Kenyoow, Naftayda iyo Nafta Muwaadiniinta kale ee Kenya ee Gacanta ugu jira Al-Shabaab waxay ku xirantahay sida aad uga soo jawaabtaan fariintaan aan idiin soo gudbinayno, Waxaan aad uga cabsi qabaa in markan ay noqoto markii ugu dambaysay ee aad mid anaga naga mid ah Fariintiisa maqashaan oo nala khaarajiyo, ee Fadlan Qadariya Duruufta aan ku suganahay, waxaanad bixisaan dadaalka ugu wanaagsan ee ay suurtagalka tahay in aan Xoriyadeenii dib ugu helno.
_______________________________
Nagala Soo xariir emailka
newbanaadir@hotmail.com
www.newbanaadir.com
