Haweenay u dhalatay dalka Britain oo
baadhitaano caafimaad oo ay ku sameeyeen dhakhaatiir kala duwan oo dunida iyo
dalkeedaba ah, loo sheegay wakhtigaas inuu ku dhacay xanuun ka dhigaya
madhalays ayaa ilmihii tobnaad todobaadkan ku umushay dalka Ingiriiska.
Sida ay ku warantay jariirada Daily
Mail ee ka soo baxda isla dalka Ingiriisku Haweenaydan oo lagu magacaabo,
Katrina Young (36-jirna ah) ayaa iyada iyo odaygeeda Robert oo (54-jir ah), ay
dhakhaatiirta dalkooda iyo kuwo ka tirsan waddamada Midowga Yurub iyo
Maraykanku u sheegeen in ay noqonayso ma dhalays, oo uu ku dhacay, xanuun
burburiya, ilma galeenka oo dhasha kala dagaalama haweenka ama madhaylays ka
dhiga.
Sida qoyskani sheegeen waxa ay
lamaanahaasi isla garteen inay ku samraan nolosha oo iska sugaan inta faraj u
soo baxayo, taas oo sida dhabbta ah u rumowday, ilaa heer ay soo gaadheen inay
dhalashada ilmahoodi tobnaad u dabaal degeen dhawaan.
Lamaanahan qoyska ah ayaa
baadhitaanka caafimaad ee gabadhaas iyo natiijada ay dhakhaatiirtu ka soo
saartay ku tilmaantay, mid khaldamay oo gabi ahaanba been noqtay, ka dib markii
sida ay sheegeen ay gabadhaasi dib u uuraysatay.
Sidoo kale waxa ay dhakhaatiirta
dunida ku beenowday, warbixintii gabadhaas ay ka bixyeen, halka aanay tani ka
ahayn markii ugu horasay ee ay natiijada dhakhtaradu kaldanto ama ku dhamaato
waxba kama jiraan iyo wax aan rumoobin.
Sida la tibaaxay waxa dhacay in ilaa
dhawr iyo toban qosy oo loo sheegay in aanay wax carruur ah isku dhali doonin
uu Illaahay (SW), ku arsaaqay carruur tiro badan oo gabi ahaanba ay ku
beenowday doodiihii iyo sheegashadii dhakhaatiirta.
Wakhtiga haweenaydan iyo ninkeedu ay
baadhitaanka caafimaad mareen oo laga joogo toban sanadood ayaa si buuxda loogu
cadeeyay, in aanay waxba isku dhali doonin, oo haweenaydaasi ma dhalays tahay,
laakiin may quusan oo waxa ay go’aansadeen inay isa sii qabaan, ilaa mar kaliya
si is daba joog ah ubad isaga daba dhasheen.
Lamaanahan oo ka jawaabaya mucjisadan
ayaa dhakhaatiirtii baadhay oo ah kuwa dunida ugu casrisan ee dalalka ugu
horumarsan caafimaadka, ku tilmaamay kuwo been sheegay oo aan mar qudha sheegin
ee tobanaan beenood sheegay sababtoo ah waxa ay u sheegeen in ilme qudha aanay
isku dhali doonin, laakiin waxa taa badalkeeda ay imika u dabaal degayaan
ilmihii tobnaad taas oo toban jeer beeninaysa natiijadii baadhitaankii dhakhaatiirta
dunida.
Qoyskan ayaa ilmihii ugu danbeeyay ee
u dhashay oo gabadh ah ugu magac daray,(Nikita), halka sagaalkii ka horeeyay
magacyadoodu kala ahaayeen, (Nikos 17-Jir ah), (Gianni 14-Jir ah), (Alanis
12-jir ah), Janis 11-jir), (Electra 9-jir ah), (Alexey 8- Jir ah), (Banysio
7-Jir ah), (Calica 5-jir ah), iyo Athens (laba jir ah)
_______________________________
Nagala Soo xariir emailka
newbanaadir@hotmail.com
www.newbanaadir.com
