Marwo ayaa ninkeedii dishay kadib
markii ay sedex jeer laabta kaga dhufatay mindi,Siduu qoray joornaalka
“Al-rayi” oo ka soo baxa dalkaasi, iyadoo sababtana lagu sheegay inuu ahaa
khilaaf uu dhaliyay masayr ay ka qaaday gabadhaasi markii ay ka shakiday inuu
guursanayo ninkeedu xaaskii sedexaad.!
Hadaba, sida uu joornaalku
xusay,waxaa saldhiga Booliska la soo hadashay qof dumar ah oo aan markaa
lagaranayn haybteeda balse gabadh kuwait ah,taas oo sheegtay “in ninkeedii oo
Kuwaiti ahaa, da’ahaana jiray dhowr iyo sodon uu isdilay isagoo mindidii
madbakha isku dhuftay, kadib markii uu ka cadhooday sabab aanay iyadu garanayn
sida ay sheegtay.”
Goobtii markii booliskii ay gaadheen
goobtii,waxay ugu tageen mayka ninka gabadhan qabay oo fadhiga daadsan,kadib
maydkiina waxaa loo diray dhakhtar baadha.gabadhiina waxaa hore u siikaxaystay
Booliska si ay arinkan wax uga waydiyaan.
Hadaba Markii booliskii su’aalo dhowr
ah gabadhii waydiiyeen ayay arkeen hadalkeedii oo isdaba marsan,taas oo
sababtay in Booliska shaki galo,waxaanay ka dalbadeen gabadhii inay isdejiso si
ay Booliska ugu suurtagasho inay su’aalahooda ugu helaan jawaabo macquul
ah,talaabadaasi waxay dhalisay in gabadhii qirato inay iyadu tahay qofka dilay
ninkeedii,
Iyadoo sababta ku sheegtay inuu isu
diyaarinayay sidii uu gabadh kale oo sedexaad u guursan lahaa,kadibna ay
murmeen gacmahana ay ku dagaalameen,dabadeed ay mindi ka soo qaadatay
kijada,kagana dhufatay sedex jeer laabta,halkaana uu ku nafwaayay.
Booliskii wuxuu go’aansaday inay
gabadha gacanku dhiiglaha ah ay xabsiga ku siihayaan si ay ugu gudbiyaan xeer
ilaalinta oo kiiska la wareegi doonta..
_______________________________
Nagala Soo xariir emailka
newbanaadir@hotmail.com
www.newbanaadir.com
