Dowlada
Mareykanka ayaa sheegtay in dib loo celin karo dadka Soomaalida ah ee ku nool
Dalkeeda.
War
ka soo baxay dowladda Mareykanka ayaa lagu sheegay in dib loo celin karo qaar
ka mid ah dad Soomaali ah oo ku nool gobolka Minisoota ee dalkaasi, kadib markii
sida ay sheegtay uu soo hagaagay ammaanka Dalka Soomaaliya.
Ilaa
iyo 24 ka mid ah dadka Soomaalida ah ee degan Magaalada Miniyaabalis oo dambiyo
ka galay wadanka Mareykanka ayaa waxaa
Maxkamadi amar ku bixisay in dib loogu celiyo gudaha Dalka Soomaaliya.
Qaar
ka mid ah Soomaalida ku nool Dalka Mareykanka ayaa waxaa ay aragtiyo kala duwan
ka bixiyeen go’aanka cusub ee ay qaadatay Maxkamadda oo la xiriira dib u
celinta dadkaasi .
Axmed
Ismaaciil Samatar oo ka mid ah aqoonyahan Soomaaliyeed oo ku nool Dalka
Mareykanka islamarkaana wax ka dhiga kolejka lagu magacaabo Macalester ayaa sheegay in arintan ay tahay mid ay ku
deg degtay Dowladda Mareykanka.
Urur
ay leeyihiin qareenada Dalka Mareykanka ayaa waxaa ay dhankooda muujiyeen
walaaca ay ka qabaan xaaladaha ay la kulmi karaan dadkani haddii dib loogu celiyo dalka Soomaaliya Marc Prokosch oo ka
tirsan ururkaasi ayaa sidaa sheegey.
Dib
u celinta dadka Soomaalida ah ayaa waxaa ay aheyd mid dhibaato badan ka haystay
Dowladda Mareykanka muddo sanado ah waxeyna iminka sheegeen in xaalada amaanka
Soomaaliya oo soo hagaageysa ay keentay in dadkani loo celin karo gudaha
Soomaaliya.
_______________________________
Nagala Soo xariir emailka
newbanaadir@hotmail.com
www.newbanaadir.com
