Odayaasha
Dhaqanka Beelaha Hawiye ayaa si kulul uga hadlay dad la sheegay in ee Maxaabiis
ahaayeen xabsiyana lagu ogaa inta la dilay Meydadkooda hadana lasoo dhigay
xaafado kamid ah Magaalada Muqdisho.
Nabadoon
Axmed Diiriye Cali Afhayeenka Odayaasha Dhaqanka Beelaha Hawiye ayaa sheegay in
Falalkii maalmo kahor ka dhacay Qeybo kamid ah Magaalada Muqdisho ee yihiin
waxyaabo dhaawacaya sumcada Dowlada sidoo kale wax u dhimaya amaanka guud ee
Magaalada.
Nabadoon
Axmed Diiriye ayaa wax laga xumaado ku tilmaamay dad uu sheegay in ciidamada
dowlada ay xireen hadana meydadkooda laga helo qaar ka mid ah xaafadaha Gobolka
Banaadir, isagoona xusay in arintaasi ay ceeb ku tahay dowlada federaalka ee
Soomaaliya.
Afhayeenka
ayaa ugu baaqay Dowlada Soomaaliya in baaritaano kusameeso Dilalka loo geestay
dad xabsiyad Dowlada lagu ogaa , waxa uuna ka digay in Falalka nuucaan ah oo
kale soo laabtaan kuwaa uu xusay in amaanka Magalaada Qatar galinayaan.
Hadalka
Odayaasha Dhaqanka Beesha Hawiye ayaa kusoo aadaya Xili maalmo kahor Meydadka
dhalinyaro la sheegay in ee ku eedeesnaayeen Shabaabnimo inta xabsiyada lagala
baxay lagu Dilay Degmada Dayniile Meydadkoodana xaafada la dhax dhigay.
_______________________________
Nagala Soo xariir emailka
newbanaadir@hotmail.com
www.newbanaadir.com
