Gudoomiyaha
Gobolka Banaadir ahna duqa magaalada Muqdisho Maxamuud Axmed Nuur (Tarsan) ayaa
ka jawaabay hadal ka soo yeeray Fanaanada Maryan Mursal Ciise, kaasoo ahaa in
aanay Muqdisho imaaneyn, iyadoo Gurigeeda xoog lagu heysto.
Fanaanada
Maryan Mursal ayaa sheegtay in Gurigeeda oo ku yaal degmada Howlwadaag, gaar
ahaan Xaafada Baar Ubax xoog looga heysto, isla markaana ka cabsaneyso hadii ay
ku laabato Muqdisho la dilo.
“Walahi
Muqdisho waxaa u imaan waayay, aniga hanti ku lahaa, Guri ku yaal Baar Ubax waa
la iga heystaa, hadii gurigeyga firaaqoobo waa imaanaya, meel aan ka jeclahay
ma jirto Muqdisho, waa meeshi aan fanka ka bilaabay, waxaa ka baqaya in la igu
dilo aqalkeyga marka aan iraahdo gurigeyga ha leyga baxo”ayay tiri Fanaanada
Maryan Mursal Ciise oo la hadashay Radio Kulmiye ee magaalada Muqdisho.
Gudoomiyaha
Gobolka Banaadir Maxamuud Axmed Tarsan ayaa sheegay in Maryan Mursal hadii
Muqdisho timaado muddo shan maalmood gurigeeda ay ku dageyso, isla markaana
looga bixinayo.
“Maryan
Mursal hadii ay timaado shan maalmood ayay gurigeeda ku dageysaa, qof walba oo
Soomaali sidaas ayuu u helaa, qof u gaar ah ma jirto, xataa hadii uu Soomaali
aheyn, hadii Hindi yahay, Pakistan yahay ha soo noqdo gurigiisa waa
helayaa”ayuu yiri Maxamuud Axmed Tarsan.
Dad
badan oo qurbaha u qaxay kadib bur burkii dowladdii dhexe ayaa guryahooda xoog
lagu degay, waxaana guryo badan oo xoog lagu heystay suura galay in laga saaro
sanadkii 2006-dii, markii Midowgii Maxkamadaha Islaamka ay la wareegeen
Koofurta Soomaaliya.
Laakiin
xilligan oo dowlad aan KMG aheyn u dhalatay Soomaaliya ayaa waxaa isa soo
tarayay dadka ku doodayay in guryahooda xoog lagu heysto.
_______________________________
Nagala Soo xariir emailka
newbanaadir@hotmail.com
www.newbanaadir.com
