Booliisa
dalka Malta ayaa waxaa la sheegay inay xabsiga dhigeen laba dhalinyaro Soomaali
ah oo lagu soo eedeeyey inay kufsadeen ama ay xoogeen gabar u dhalatay dalka
Talyaaniga oo ku nool dalkaas Malta.
Labadanaa
dhalinyarada Soomaalida oo lagu kala magacaabo Cabdiraxman Abukar iyo Liban
Moxamoud oo labadaba 26 sano jir ah kuna nool magaalada Floriana ee dalka Malta
ayaa waxaa la sheegay inay dhawaantaan ay qafaasheen gabar dhalinyaro oo 21
sano jir ah una dhalatey dalka Talyaaniga laakiinse ku nool magaalada Valletta
ee caasimada dalka Malta, gabadhaan ayaa waxay booliiska u sheegtay inay
dhalinyarada Soomaaliyeed xoogeen islamarkaana ay xoog ku heysteen oo ayna ka
dhaceen teleefoonkeedii gacanta, Sidoo kale ayaa Liibaan waxaa si gaar ah loogu
eedeeyey inuu baabuur watey asagoo aan heysan warqada ruqsada baabuur ka xeynta
ama leysinka baabuur kaxeynta, halka Ninka lagu magacaabo Cabdiraxmaan asagana
si gooni ah loogu eedeey inuu mar kale galay dambi ah xoogid ama kufsasho oo
mar hore ay maxkamad hore ugu heshay dambigaas ahaa inuu wax kufsaday. Labadaan
nin oo ay dacwadoodu dhageysatay maxkamada ayaa iyagu dafirey inay galeen
dembigaas lagu soo eedeeyey.
Ugu
dambeyntiina iyadoo labadaas nin ee Soomaalida ay maxkamadu amartey in xabsiga
la dhigo oo ayna diiday in damiin lagu sii daayo ayaa waxaa kale oo ka biya
diiday in damiin lagu sii daayo sarkaalad u hadashay booliiska dalka Malta oo
lagu magacaabo Yvonne Farrugia oo sheegtay inay jiraan marqaatiyaal dhowr ah oo
ku cadeeyey nimankaas inay geysteen falkaas lagu soo eedeey,
Haweeneydii
qaadaysay maxkamadaas oo lagu magacaabo Neville Camilleri ayaa sido kale
amartey in xabsiga la dhigo iyadoo sidoo kale amar ku bixisay in ninka lagu
magacaabo Cabdiraxmaan oo ah nin xanuunsan oo ay caloosha tuubo kaga jirto
islamarkaana lagu wado ama lagu riixo gaari in loo fududeeyo oo la siiyo wixii
uu daawo ahaan u qaadan jirey, Sidoo kale ayey maxkamadu waxayku xukuntay hal
sano oo xarig ah nin kale oo Soomaali ah oo lagu magacaabo Axmed Cumar oo 34
sano jir ah kaa oo ku eedeysnaa inuu iibsaday teleefoonkii laga xaday gabadhaas
Talyaaniga ah asagoona dib u soo celiyey teleefoonkaas laga xaday gabadhaas.
_______________________________
Nagala Soo xariir emailka
newbanaadir@hotmail.com
www.newbanaadir.com
