Sida ay daabacday Wakaalada Wararka Mehr ee ka soo baxda Dalka Iiran,
Madaxweynaha dalkaasi Mahmoud Ahmadinejad ayaa si kadis ah ula kulmay Haweeney
in Mudo ah Jecleed una oomaneed aragtidiisa.
Xilli
Madaxweynaha socdaal ku tagay gobolka waqooyi ee dalka Iiraan ee Semnan, ayaa
waxa uu la kulmay Haweeney mar qurah ku dhahday ‘’Wan ku jeclahay ee I guurso’’
taasoo Madaxweyne Najaad ku noqotay Arrin uusan u heyn Jawaab waafi ah.
Wakaalada
wararka Iiran ee lagu magacaabo Mehr ayaa waxa ay Baahisay Maalinimadii Axadii
qoraal sheegaya in Madaxweynaha Iiraan oo shir la lahaa dadka degaanka ayaa
waxa markii uu hadalka dhameeyay, shirkii ka dhex hadashay haweenay ay
wakaaladu ku tilmaantay inay ahayd Islaan ama qof wayn, waxaanay iyada oo kor u
dhawaaqaysa ay madaxweynaha Iiraan ka codsatay inuu guursado oo waliba dejiyo
Magaalada Tehran ee Caasimadda dalkaas, taasoo ay mar qurah ka fajaceen dadkii
shirka ku sugnaa.
Haweenaydan
ayaa sheegtay in ay aad u danaynayso in madaxweyne Maxamuud Axmedinejad uu
guursado, oo uu dejiyo caasimadda dalkaas, si ay halkaas ugu noolaato.
Markii ay hadalka dhamaysay ayaa dadkii ku sugnaa kulanku ay qosol u daateen
gaar ahaan saxafiyiintii iyo duqaydii ama dadkii degaanku, hasa yeeshee
Axmedinejad oo Su’aashani ku noqotay ku soo boodo, ayaa waayay jawaab uu ka
bixiyo, waxaanu mar kaliya qarsoomay dhidid, ilaa heer uu ku sigtay inuu iska
bixiyo dharka gaar ahaan Jaakadda.
Si
kastaba ha ahaatee, Haweenaydan oo markii shirka laga soo baxay la hadashay
warbaahinta ayaa sheegtay in dab qabsaday gurigeedu, uu dilay oo ay ku
geeriyoodeen ninkeedi iyo wiil ay dhashay, cid ay la noolaatana aanay haysan oo
nolosheedu ciriiri ku jirto.
_______________________________
Nagala Soo xariir emailka
newbanaadir@hotmail.com
www.newbanaadir.com
