Fiirso Sawirada Madaxweyne Xasan Sheekh Maxamuud isaga oo qoslaya ku lugeeyay Laamiga dheer ee Maka Al-Mukarama

Madaxweynaha Soomaaliya Xasan Sheekh Maxamuud ayaa shalay arin dhoolo tus u muuqatay waxa uu kusoo bandhigay Magaalada Muqdisho isagoona ku lugeeyay qeybo kamid ah Laamiga Maka Al-Mukarama kuna galay Xarunta Madaxtooyada.

Xasan Sheekh Maxamuud ayaa shalay dalka dib ugu soo laabtay xili Xisaasad Siyaasadeed ee soo wajahday , waxaana taa badalkeeda Madaxweynaha iyo Xertiisa ay go’aansadeen in ay Muqdisho ka sameeyaan dhoolo tus u muuqda mid la qorsheeyay.

Dadweyne badan oo laga kala keenay Degmooyinka Gobolka Banaadir ayaa la tubay hareeraha laamiga Maka Al-Mukarama si ay madaxweynaha usoo dhaweeyaan iyaga oo sawiradiisa hayana ayna u luxaan caleemo qoyan , Madaxweynaha ayaa isaga oo dhoola cadeenaya waxa uu salaamayay shacabkii soo dhaweenayay .

Madaxweyne Xasan Sheekh markii uu safar dibada aado ma dhici jirin in sidan oo kale loo soo dhaweeyo , waxaana soo dhaweyntii shalay loo sameeyay ay muujineysaa in dadka la tusayo in Madaxweynaha uu taageero badan kaheesto Bulshada Soomaaliyeed.