In ka badan 200 oo ruux ayaa la xaqiijiyay inay ku naf waayeen qarax ka dhex goob macdanta laga qodo oo ku taala galbeedka wadanka Turkiga
Wararku waxaa uu sheegayaan in tirada dadka geeriyooday ay illaa hadda gaarayaan 201 ruux waxaana jira dad kale oo ku hoos jira godka qaraxu ka dhex dhacay oo dumay waxaana godku ku yaala gobolka Manisa.
Kooxaha gurmadka deg dega ayaa willi ku hawlan baadi goobka boqolaal shaqaale ah oo la aaminsan yahay inay willi godka ku dhex jiraan waxaana hawlgalkaani socdaa tan iyo xalay.
Wasiirka tamarta dalka Turkiga Taner Yildiz ayaa shir jaraa’id oo uu qabtay waxaa uu ku sheegay in goobta masiibadu ka dhacday ay ka shaqaynayeen illaa 787 ruux.
Tv,ga dawlada ayaa baahiyay in shaqaalaha gurmadku ay soo saareen illaa 80 ruux oo qaba dhaawacyo kala duwan lamana oga illaa hadda waxa dhaliyay qaraxa godka ka dhex dhacay
Ehelada shaqaalaha dhibaatadu qabsatay ayaa iskugu soo baxay magaalada Some oo qiyaastii 450 dhanka galbeed uga beegan magaalada caasimada ah ee Ankara si ay xaaladda ula socdaaan
_______________________________
Nagala Soo xariir emailka
newbanaadir@hotmail.com
www.newbanaadir.com
