Cristiano Ronaldo ayaa cadeeyay inuu taam u yahay Koobka Adduunka isagoo ku soo laabtay xulka Portugal islamarkaana ka qeyb qaatay kulankii saaxiibtinimo ee ay 5-1 ku burburiyeen Republic of Ireland.
Xiddiga Real Madrid ayaa la dhibtoonayay dhaawac jilibka ah ka dib finalkii Champions League, laakiin waxa uu u muuqday mid diyaar u ah kulanka ay Portugal ku furaneyso Koobka Adduunka ee ay la leeyihiin Germany, isagoo qeyb ka ahaa xulkii Portugal ee New Jersey uga badiyay Ireland.
Hugo Almeida ayaa labo gool u saxiixay xulka macalin Paulo Bento iyadoo labadaas gool uu dhexda kaga jiray gool uu iska dhaliyay xiddiga Ireland Keogh.
Markii ay ciyaarta 3-0 aheyd oo sidaas lagu kala nastay qeybtii hore Ireland ayaa qeybtii labaad bilowgeeda gool soo ceshatay iyadoo uu u saxiixay McClean, laakiin labo gool kale oo kala dhaliyeen Vieirinha iyo Controa ayaa ciyaarta hurdo u diray.
_
Nagala Soo xariir emailka
newbanaadir@hotmail.com
www.newbanaadir.com
