Hadal heeynta ugu badan maslaxa Fanka Soomaaliyeed ayaa waxa ay noqotay muuqaalka cusub ee la magac baxay QAADO QALBIGA kaas oo dad badan ka yaabiyay ka dib markii gabdho u dhashay Yurub oo Fanaaniin ah ay Hees cusub u qaadeen mid kamid ah Fanaaniinta Soomaaliyeed kuwooda ugu da´da yar.
Gabdhahaan Fanaaniinta ah oo Hees Jaceyl ah u sameeyay Fanaanka Cumar Cali Cumar (Omar Sii Sii Somband) oo inta badan ay si weyn u taageeraan dhalinta Soomaaliyeed ayaa beejka uu heesta kaga qeyb qaatay wuxuu Mirihii jaceylka u jiheeyay dhanka gabar Soomaaliyeed oo asturan.
Fanka ayaa ah inta badan mid sarbeeb ah oo miraha ama heesta si hoose la iskugu qariyo waxaana iska cad in Fanaanka ama Abwaanka Omar Sii Sii Somband oo heesihiisa sameysta in uu murtidii jaceylka heesta u rogay dhanka gabadha Soomaaliyeed waxaana lagu tiriyaa Fanaaniinta Soomaaliyeed kuwooda ugu kaftanka badan .
Muuqaalka QAADO QALBIGA oo lagu sameeyay meelaha Dunida ugu quruxda badan ayaa hadane waxaa Heestaan cusub saaran Muusik laga soo shaqeeyay iyo erayo Jaceyl ah oo aanu ka xusi karno sidatan : Qaado Qalbigeeyga hoo dhamaan qaado , Jaceylkaaga ayaan ku qancoo waan Qamaamay. Qosol mar ii qosol, Qalad kuuma quuro oo Jaceylkaaga ayaa ku qancay .
Fanaanka ayaa fiyoorihii ama ubixii wuxuu farta ka saarayaa gabadha asturan ee Soomaaliyeed in kastoo Fanaaniintii cadaanka ahaa ay u tix geliyeen gabadha Soomaaliyeed ee uu Jaceylkooda ka doortay. Muuqaalkaan oo lagu sheegay Qiso dhacday (Love Story) wuxuu noqon doonaa mid caan ka noqda bulshada Soomaaliyeed dhexdeeda.
_______________________________
Nagala Soo xariir emailka
newbanaadir@hotmail.com
www.newbanaadir.com
