Wararka ka imaanaya magaalada muqdisho ayaa sheegaya in ugu yaraan ay dhinteen sideed qof kaddib weerar lagu qaaday xarunta sirdoonka ee Soomaaliya.
Dagaal yahaniinta Al-shabaab ayaa sheegay inay siideeyeen maxaabiis ku xirneyd halkaasi.
Boolska Soomaaliya ayaa sheegay in qarax weyn uu dhacay, markaasi kaddib rasaas ay kooxda weerarka qaaday ku fureen dhismaha ciidamada sirdoonka.
Weriyaha BBC ayaa sheegaya in rasaas xooggan la is dhaafsaday, wuxuuna arkay maydad goobtaasi laga gurayay.
Weerarkan ayaa dhacay iyadoo dowladda Soomaaliya ay ku dhawaaqday duulaan ka dhan ah kooxda Al-shabaab.
Ciidamada Soomaaliya oo kaashanaya kuwa AMISOM ayaa shalay weerar ku qaaday deegaano ay Al-shabaab maamulaan, waxayna gacanta ku dhigeen qaar ka mid ah deegaanadaasi.
Xigasho: BBC
_______________________________
Nagala Soo xariir emailka
newbanaadir@hotmail.com
www.newbanaadir.com
