Waxaa magaalada Rotterdam ee wadanka Holland ka dhacay Bandhig faneed ballaaran oo isugu jira heeso iyo Dhaantooyinkii ay dadka Soomaaliyeed hidaha iyo dhaqanka u lahaayeen.
Bandhigan ayaa waxaa si wada jir ah u qabtay Fanaaniinta kala ah Abdi Dajiye, Maxamed Dalnuurshe oo reer Holland ah, Cali Dhaanto oo ah nin ku caanbaxay heesaha dhaantooyinka oo isagana ka yimid Jigjiga iyo Abdiaziz Abuukar “Star” oo ka mid ah fanaaniinta reer Filand.
Fanaanka Abdiye Dajiye ayaa halkaasi waxaa uu ka qaaday heeso isugu jira kuwa uu leeyahay oo cusub sida heestiisa baryahan aadka loo jecel yahay ee “HALIS JACEYL” waxaana ay heestasi keentay in saddex jeer fanaanka laga dalbaday inuu ku celiyo, kadib markii dadkii bandhiga kasoo qeybgalay ka haleen. Waxaadna ka arki kartaan muuqaalka heesta oo aad uga jeedaan in saddex jeer la kala duubay,kadibna la isku keenay.
Cali Dhaanto oo ahaa ninka lagu soo dhaweynayey Holland ayaa isagana dhankiisa dadweynaha u qaadayey heeso u badan Dhaanto. Dadka showga kasoo qeybgalay oo isugu jiro da’kasta ayaa jecleystay heesaha halkaasi laga qaadayey.
.JPG)
_______________________________
Nagala Soo xariir emailka
newbanaadir@hotmail.com
www.newbanaadir.com
