Gool dhaliye Theo Walcott ayaa wadahadalo nabadeed la galay
Arsene Wenger, iyada oo Arsenal ay ku dhowdahay in ay heshiis cusub ka saxeexdo
ciyaaryahanka reer England.
Waa markii ugu horeysay tan iyo 28kii August markaas oo uu
ciyaaryahanka reer England iska diiday heshiis shan sano ah oo uu ku qaadanayo
todobaadkii 75 kun oo ginni, oo ay wadahadalo toos ahi dhexmaraan ciyaaryahanka
iyo kooxda.
Daily Mail ayaa ogaatay in Arsenal ay ku dhowdahaya in ay
heshiis la gaadho shan kale oo ka mid ah ciyaartoydooda da’da yar ugu danbeyn
heshiisku dhaco Jimcaha.
Ilo ku dhow Walcott ayaa sheegaya in 23 jirkan uu doonayo in
uu sii joogo Arsenal, si kastaba ha ahaatee waxa uu si cad u cadeeyay in aanu
haatan dooneyn in uu qalinka ku duugo heshiis cusub. Isaga oo doonaya mushahar
ku dhow 100 kun oo ginni todobaadkii, Walcott ayaa sidoo kale doonaya in loo
xaqiijiyo doorkiisa kooxda. Ciyaaryahankii hore ee Southampton ayaa dareemay in
si aan cadaalad aheyn uu u la dhaqmay Wenger bilowgii xilli ciyaareedkan,
markaas oo uu Walcott kursiga keydka ku bilaabanayay.
Waxana go’aankaas la
ogyahay in uu dhiirogelin u ahaa muranka xaga qandaraaska la xidhiidha. Waxa
intaas sii dheer, Walcott waxa uu sidoo kale doonayaa in loo xaqiijiyo in
fursado badan loo siiyo in uu ka ciyaaro kaalinta gooldhaliyaha, halkaas oo uu
ka ciyaaray kulankii Reading oo gool uu dhaliyay guushii 5-2 ee ay ka gaadheen.
Inkasta oo ay u muuqato in xal degdeg ah aan laga gaadheynin qandaraaska ciyaaryahanka, hadana wadahadaladii u danbeeyay waxa ay
talaabo hore u socod ah u yihiin in Walcott laga dhaadhiciyo in uu kooxda sii
joogo. Waxa la rumeysan yahay in xal labada dhinac ka yimaada oo ah in la siiyo
85 kun oo gini todobaadkii in laga yaabo in ay ka dhaadhiciso ciyaaryahanka in
uu saxeexo.
Heshiis cusub . dhanka kale waxa ay kooxdu heshiis la
gaadhay Jack Wilshere, Kieran Gibbs, Alex Oxlade-Chamberlain, Aaron Ramsey iyo
Carl Jenkinson, waxana lafilayaa in ay heshiisyadooda cusub qalinka ku duugaan
dhamaadka todobaadkan.
_______________________________
Nagala Soo xariir emailka
newbanaadir@hotmail.com
www.newbanaadir.com
