Kulamo xiiso leh ayaa ka soo
baxay isku aadka wareega 16ka ee Champions League oo ka dhacay Nyon
Switzerland, iyadoo kooxo waa weyn ay qoorta la isu geliyey.
Kulamada ilqabatinka leh waxaa
ka mid ah Real madrid iyo Manchester united oo isku haleeli doona wareega 16ka
ee koobka horyaaliinta yurub ee champoins league halka, labadaan kooxood ayaan
aheyn kuwa isku cusub, iyadoo sidoo kale arimaha xiisaha gaarka ah leh ee
kulamada labada koox ay ka mid yihiin Ciyaaryahanka ugu qaalisan caalamka
C.Ronaldo oo booqan doona gurigiisii hore ee Old trafford isagoo hore ugu soo
ciyaaray kooxda shayaadiinta cas-cas lix sanno kagadaal markii ay kalasoo
wareegeen kooxda sporting lisbon ee dalka portugal.
Dhanka kale kooxaha AC milan
iyo Barcelona ayaa iyaguna isku arki doona isla wareegaan iyadoo kulamada ay
cayaarayaan noqonayaan kuwa ka mid ah kuwa ka tilmaaman koobkan waxaana ay hore
isu soo arkeen labadan kooxood 15 jeer.
Kooxda Arsenal ayaa waxa ay
isku soo aadeen kooxdii finalka ka gaartay koobkaan sannadkii hore ee Bayern
Munich kulankaasoo isna ah kulan xiiso iyo xamaasad leh.
Waxaa markii ugu horeysay
tartankaan isku arkaya kooxaha Valencia iyo Paris Saint-Germain, si la mid ah
waxaa markii ugu horeysay iyagana tartankaan isku wajahaya Porto iyo Malaga.
Kooxaha Celtic iyo Juventus
ayaa iyagana qoorta isku geli doona, halka Galatasaray iyo Schalke ay iyagana
isku dhegi doonaan.
_______________________________
Nagala Soo xariir emailka
newbanaadir@hotmail.com
www.newbanaadir.com
