Waxaa Maalintii Isniinta oo taariiqda ay ku beegneed 17-ka bishan aynu ku jirno
dil bareer ah ka badbaaday fannaanka caanka ah Justin Beiber oo u
dhashay dalka Canada, balse heysta dhalashada dalka Mareykanka.
Warbixin ay Soo daabaceen Bogga Booliska magaalada New York ayaa lagu
sheegay in uu qorshe dil ka badbaaday Fannaanka Da’da yar ee Justin
Beiber oo dabayaaqada bishan SHOW ku qabanayay magaalada New York ee
wadanka Mareykanka.
Nin lagu magacaabo Dana Martin oo horey u soo ahaa Dambiile ayaa isku
dayay in uu dilo Justin, isagoo dagay qorshihii lagu dili lahaa,
waxaana Booliska ay warinayaan in Dilka Beiber loo adeegsaday labo ruux.
” Dana Martin wuxuu soo adeegsaday Nin ay horey Xabsiga iskula jireen
iyo Wiil ina adeerkii uu dhalay, Wuxuu labadoodaba ka dhaadhiciyay in
ay soo afduubaan Justin Beiber kadibna gowracaan” ayaa lagu yiri
Warbixinta Booliska.
Ugu dambeyntiina Ciidamada Booliska ayaa hadda gacanta ku hayya Dana
Martin iyo Labadii qof ee uu soo adeegsaday dilka Justin, iyadoo
baaritaano kadib ay mari doonaan Maxkamadda magaalada New York.
Justin waa Fanaanad aad u Da’ yar, hase ahaatee malaayiin qof ay jacel yihiin Heesaha uu qaado.
_______________________________
Nagala Soo xariir emailka
newbanaadir@hotmail.com
www.newbanaadir.com
