Kooxda Al-Shabaab ee ka soo horjeeda dowlada
Soomaaliya ayaa ku eedeesay wadamada dariska la ah Soomaaliya ee Kenya iyo
Itoobiya in ay doonayaan in ay qabsadaan gobalada Soomaaliya,
Afhayeenka Al-Shabaab Sheekh Cali Maxamuud Raage
Cali Dheere oo warbaahinta la hadlay ayaa sheegay in wadamadaan ay doonayaan in
ay qabsadaan qaar ka mid ah gobalada Soomaaliya.
Cali Maxamuud Raage ayaa sheegay in labadaan wadan
ay ku heshiiyeen in ay kala qaataan gobalada koofureed ee Soomaaliya isla
markaana ay u ku darsadaan wadamadaada sida uu sheegay.
“labadaan dowladood heshiia ayay kuwa gaareen
magaalada Nairobi oo ahaa in ay xoog ku qabsadaan gobalada Soomaaliya gaar
ahaan Jubooyinka, Bay, Bakoo, iyo gobalka Gedo,”sidaasi waxaa yiri Cali Dheere.
Asaga oo hadalkiisa sii wata ayaa wuxuu sheegay
Cali Dheere in dowlada Kenya ay haatan shidaal ka qodonayso dhulka Soomaaliya,
isla markaana aysan jirin cid ka ceshanaysa, wuxuuna tilmaamay in ay doonayso
in ay ku sii darsato deegaano kale oo ka tirsan Soomaaliya.
Cali Dheere ayaa ugu baaqay shacabka Soomaaliyeed
in ay ka can oo ay arintaan ka dhiidhiyaan maadaama uu sheegay in haatan lagu
soo duulay wadankoodii oo la doonayo in laga qaato.
Ciidamada Kenya ayaa qayb ka ah howlgalka AMISOM ee
Soomaaliya, waxaana ciidamada Kenya ay ku suganyihiin qaar ka mid ah gobalada
Soomaaliya oo ay ka mid yihiin gobalada Jibooyinka.
_______________________________
Nagala Soo xariir emailka
newbanaadir@hotmail.com
www.newbanaadir.com
