Maamulka Gobolka Banaadir ayaa ka digay in la dhisto meelaha bulshada ka dhaxeeya sida marshabiyeediga.
Maxamuud Axmed Nuur Tarsan Gudoomiyaha gobolka Banadir ayaa ka digay in la Dhigto Baabuurta wadooyinka dhexdooda oo ay qatar ku yihiin amaanka iyo habsami u socodka wadooyinka magaalada Muqdisho gaar ahaan wadada Mak Al mukarama oo ah jidka ugu mashquulka badan magaalada isla markaana xudunta u ah caasimada waxuuna sheegay in uu maamulku soo wado qalab iyo gaadiid cusub oo lagu qaado gawaarida sida sharci darada ah loo dhigo laamiyada.
Sidoo kale gudoomiyaha ayaa tilmaamay in talaabo sharci ah laga qaadi doono Ganacsatada qaarkood oo uu sheegay in ay liddi ku yihiin bilicda magaalada Muqdisho kuwaas oo waxyaabaha ka hara guryaha ay dhisanayan sida dhagxaanta iyo qashinka kaga taga hareeraha laamiga iyo dadka guryaha aan sharciga aheyn ka dhista hareeraha waddooyinka.
Hadalka gudoomiyaha ayaa imanaya xilli uu sii kordhayo ciriiriga wadooyinka Magaalada Muqdisho iyadoo wadayaasha qaar ay gaadiidkooda dhigtaan hareeraha wadooyinka taas oo keeni kara amaan daro iyo shilal qasaaro geysta.
_______________________________
Nagala Soo xariir emailka
newbanaadir@hotmail.com
www.newbanaadir.com
