Madaxweynaha Dowladda Soomaaliyeed ee Puntland Dr.Cabdiraxmaan
Maxamed Faroole ayaa maanta dib ugu soo laabtey dalka kadib safar gaaban oo uu
ku tegey dalka Jabuuti.
Madaxweynaha
oo saxaafadda kula hadley garoonka diyaaradaha ee magaalada Bosaso ayaa sheegay
in muddadii uu joogey dalka Jabuuti, uu ka qaybgalay aas qaran oo loo samaayay
Guddoomiyihii Bangiga dalka Jabuuti, Jaamac Maxamuud Xayd (AUN)
Madaxweynaha
ayaa sheegay in uu madaxda dalka Jabuuti kala soo hadley arrimo la xiriira
ganacsiga iyo amaanka, kadib markii Puntland ay ku soo qul-quleen kooxo
naflaacaari ah, sida Madaxweynuhu hadalka u dhigay.
Dhanka
kale Dr.Faroole ayaa soo dhaweeyey in dalka Maraykanku aqoonsadaan Dowladda
Soomaaliya ee hadda jirta, Soomaaliya waxay xornimada qaadatey 1960 marna ma
dhumin dowladnimadeedii iyo madaxbanaanideedi, 22 sano ee bur-burka lagu jirey
waxaa jirey dalal Safiiro ka joogeen Soomaaliya kuwaas oo ay ka mid yihiin kuwa
derska Soomaaliya la ah. ayuu yiri Dr.Faroole
W/Q: Abdihakim Awke Tarabi (karoone)
_______________________________
Nagala Soo xariir emailka
newbanaadir@hotmail.com
www.newbanaadir.com
