Madaxweynaha Maamul Goboleedka Soomaaliyeed ee Puntland
C/raxmaan Maxamed Faroole oo ka qeybgalay munaasaabad lagu xusayay afar sano
guuradii ka soo wareegtay markii loo doortay Madaxtinimada Puntland ayaa
khudbad dhinac badan taabaneysay ka jeediyay, taasoo lagu qabtay magaalada
Boosaaso.
C/raxmaan Faroole ayaa mar uu khudbadiisa kusoo hadal qaaday
arrimaha Soomaaliya gaar ahaan Dowladda cusub ayuu sheegay in soo baxayaan
qorshe wax looga badalayo Dastuurka lagu ansixiyay Muqdisho.
Qorshahaasi ayuu
sheegay in Madaxweyne Xasan Sheekh Maxamuud Barlamaanka ka codsaday wax ka
bedelka Dastuurka, wuxuuna Faroole u diray fariin ku aadan inuusan ku degdegin
arinta dastuurka oo ah sharciga dalka, ergooyin ka socday Soomaliya oo dhan ay
ansixyeen.
Wuxuu sheegay C/raxmaan Faroole in Puntland hormuud ka ahayd
ka bixitaanka Dowladda Soomaaliyeed KMG-nimada, wuxuuna tusaale u soo qaatay
saddexdii shire Puntland marti gelisay oo laba shir lagu qabtay Garoowe, halka
kelena lagu qabtay magaalada Gaalkacyo.
Gobollada kele ee Soomaaliya ayuu sheegay Faroole in looga
baahan yahay inay dhistaan mamul gobolleedyo si ay uga mid noqdaan Dowladda
Federaalka Somaaliya, isagoo xusay in Jubbooyinka hadda ay ka socoto dhistaanka
maamul goboleed hoos tego dawladda Soomaaliya.
_______________________________
Nagala Soo xariir emailka
newbanaadir@hotmail.com
www.newbanaadir.com
