Dowlada Soomaaliya ayaa shaaca ka qaaday iney dhisi doonto gudi u
hawl gala sidii ay u kala saari lahaayeen dadka guryaha kala haysta wasiirka
wasaarada arimaha gudaha iyo amniga qaranka xukuumada Soomaaliya C/kariin
Xuseen Guuleed ayaa sheegay in maalmaha soo socda la magacaabi doono gudi
qaran oo ka shaqeeya xal u helida hantida la kala haysto .
Wasiirka ayaa tilmaamay ineysan
mar danbe dhici doonin in mawaadin Soomaaliyeed gurigiisa xoog looga haysto
isagoona ku nuuxnuuxsaday in gudiga qaran ee la dhisi doono ay awood buuxda u
siin doonaan go’aan ka gaarista arimaha la xiriira hantida ka maqan dad badan
oo Soomaaliyeed isla mar ahaanteena aysan suurta gal ahayn in qof guri ama
hanti kale oo ma guurto ah uu leeyahay xiligan uu sii haysto qof dulmi ku
haysta.
C/kariin Xuseen Guuleed
ayaa hoosta ka xariiqay in gudiga qaran ee la dhisi doono uu ahaandoono mid
madax banaan isla markaane go’aan ka gaara hantida la kala haysto isagoona
ballan qaaday iney laamaha amaanka ku amri doonaan iney u hogaansamaan
awaamiirta iyo go’aanada ay soo saaraan si ay ugu sahlanaato hawsha loo
igmaday.
Wasiirka ayaa intaa ku
daray in wixii ka danbeeyey burburkii dowladii dhexe ee Soomaaliya uu meesha ka
baxay is aaminaadii umada Soomaaliyeed arintani ay doonayaan iney kusoo
celiyaan is aaminaadii iyo walaalnimadii ka dhexeysay bulsho weynta
Soomaaliyeed wuxuuna rajo wanaagsan ka muujiyey natiijada ka dhalan doonta
gudiga ay u saari doonaan kala celinta hantida la kala haysto.
_______________________________
Nagala Soo xariir emailka
newbanaadir@hotmail.com
www.newbanaadir.com
