Qaar kamid ah qaxootiga Soomaaliyeed
ee ku sugan xeryaha Dhadhaab ee Gobalka NFD ayaa dalbaday in laga gacansiiyo
dib ugu soo noqoshada dalkooda hooyo.
Deeq Xuseen kadiye oo kamid ah
horjoogayaasha dadka qaxootiga Soomaalida ee ku jirada Xerada IFO ayaa sheegay
inay u baahan yihiin ka gacansiinta dib ugu noqoshada dalka Soomaaliya.
Wuxuu sheegay in Dowladda Soomaaliya
aysan ka haysan soo dhaweyn iyo kutalogal intaba isaga oo sheegay in Dowladda
Soomaaliya aysan ka helin wax tasiilaad ah maadaama aysan haysan qarashaad oo
ay dalka dib ugu soo noqdaan.
Sidoo
kale wuxuu sheegay Deeq Xuseen kadiye
in tan iyo markii Dowladda Kenya ay amarka ku bixisay in Soomaalida ay dib ugu
noqdaan dalkooda ama ay isugu tagaan xeryaha Dhadhaab ay buux dhaafeen xeryaha
amnidarana ay uwehliso buuxa xeryaha.
Soomaalida ku nool Xeryaha Dhadhaab
ee Gobalka NFD ayaa xilligan la kulma amnidaro ka jirta Xeryahaasi iyadoo dilal
qorsheysan ay ka dhacaan halkaasi.
_______________________________
Nagala Soo xariir emailka
newbanaadir@hotmail.com
www.newbanaadir.com
