Kadib doorashadii dalka Jabuuti ka
dhacday waxaa soo baxayay hadalo sheegaya in doorashadaasi la musuq maasuqay,
waxaana kooxaha mucaaradka ay shaaciyeen in la duudsiiyay Tiradii baarlamaanka
ay ka heleen.
Hadaba arintaasi waxaa wax kama
jiraan ku tilmaamay madaxweynaha Jamhuuriyada Jabuuti Ismaaciil Cumar Geele,
isagoo madaxweynaha wax kama jiraan ku sheegay hadalada sheegaya in la musuq
maasuq.
Madaxweyne Geele oo wareysi siiyay
Idaacada VOA-da qeybteeda afka soomaaliga ayaa u sheegay in wararka sheegaya in
la musuq maasuqay doorashadii baarlamaaniga ee dalkaasi aysan ahayn kuwa wax ka
jira, isagoo ku eedeeyay inay soo alifteen kooxaha mucaaradka.
Geele ayaa sheegay in natiijadii ka
soo baxday doorasha aan la musuq maasuqin, wuxuuna sheegay in doorashooyinka ay
ku sugnaayeen kor joogto caalami ah.
Madaxweyne Geele ayaa sheegay in 10
kursi ay heleen mucaaradka, kuraastii baarlamaanka ee ahayd 65 kursi, isagoo
taasi ku cadeeyay inaysan ahayn musuq maasuq, balse ay ka cod badnaadeen
xisbiga talada dalka haya ee madaxweynaha hogaamiyo.
Ugu dambeyna madaxweynaha ayaa ka
hadlay banaanbax ka dhacay magaalada Jabuuti, isagoo sheegay in banaanbaxaasi
ay u soo qabteen dad gaaraya 40 ruux, kuwaasoo uu sheegay inay dhawaan soo
taagi doonaan maxkamada.
Mucaaradka dalka jabuuti iyo
taageerayaashooda ku sugan gudaha jabuuti iyo dalalka aduunka ayaa isku raacay
in doorashooyinki la musuq maasuqay, iyadoo kor joogtada caalamiga ah ee ku
sugnaa Jabuuti ay sheegeen in doorashada ay u dhacday si dimuquraadi ah.
_______________________________
Nagala Soo xariir emailka
newbanaadir@hotmail.com
www.newbanaadir.com
