Maqaayad Kala Carar Uu Ka Dhacay Xilli ay Soo Dhax Is Taagay Mucaashaqad Baadi goob Ugu Jirtay Lamaankeeda Nolosha(Dhacdo Cajib ah )

Dhacdo la yaab leh ayaa todobaadkii hore dabayaaqadii  ka dhacdey magaalada Muqdisho, kadib markii gabar baadi goobeysay lamaanaheeda looga kala cararay maqaayad ay soo gashay.

Gabadhan oo wadatay Indho Shareer ayaa ku soo leexatay dad fadhiyay banaanka hore ee maqaayada, iyadoo dadka halkaasi fadhiyay uu ka mid ahaa wiil dhalinyaro ah oo maalmo uu joogey magaalada.

Wiilka oo ka argagaxay gabadha indho shareerka wadata ee ku soo socota ayaa ku cararay gudaha maqaayada oo markii dambe ay ka daba gashay, iyadoo dooneysay in ay la hadasho, hase yeeshee isaga uu u heysto in ay dooneysay in ay is qarxiso.

Taasi oo keentay in dadkii goobta ku sugnaa ay laftooda cararaan, ayagoo ka ordayay wixii uu wiilki arkey oo aysan si rasmi ah u fahamsaneyn.

Goor dambe ayaa la ogaadey in gabadha aysan miineysneyn, kadib markii rag qoryo watay ay qoryo ku qabteen, lana baaray, hase yeshe gabadha oo argagaxsan ayaa sheegtay in wiilka oo ay u heystay wiil xiriir uu ka dhaxeeyay oo dalka ka maqnaa, mudana ay ay weysneyd uu ahaa.

_______________________________
Nagala Soo xariir emailka
newbanaadir@hotmail.com
www.newbanaadir.com