Yuusuf Garaad Cumar oo ah wariye magac weyn ku dhex leh bulshada Soomaalida ayaa
wixii ka dambeeyey markii uu iska casilay shaqadii uu ka hayay BBC Somali ka
mid noqday shaqsiyaadka sida weyn u isticmaala Bogga xiriirka dadweynaha ee
Facebook halkaas oo uu ku soo bandhigo wixii tallo iyo tusaallo ah ee uu u arko
in uu la wadaago asxaabtiisa Facebook.
Hase
ahaatee waxaa dhib weyn uu ka haystaa badanka dadka aqrista qoraalada uu ku soo
saaro Boggiisa, waayo waxaa la weydiiyaa su,aallo badan oo quseeya
shaqsiyadiisa oo aanan wax xiriir ah la laheyn qoraalada uu la wadaago
asxaabtiisa.
Waxaana
marar qaar la arkaa Yuusuf Garaad oo si xoogaa carro ku salaysan ugu jawaabayo
dadka weydiisa su,aalaha noocaas ah isagoo u sheegayo in isaga uusan aheyn
mowduuca fikirka laga dhiibanaayo ee ay wax ka dhahaan waxa uu soo bandhigay
ama ay isaga aamusaan.
Hadaba Markii aan daba galnay waxa keenay in lagu mashquulo shaqsiyada Yuusuf
Garaad ayaa waxaa la ogaaday in Yuusuf uu ka soo hadli jiray Bush House gaar
ahaan BBC Somali, dad badan oo dhagaysan jirayna oo isugu jiray kuwa ka heli
jiray qaab uu wax u gudbin jiray iyo kuwa mucaaradsanaan jirayba aysan heli
jirin qaab ay wax un ugu dhahaan wararkii uu tabin jiray.
Sidaas
darteed ay maanta u heleen fursad ay ku weydiin karaan waxa ay ka
aaminsanaayeen mar hadii uu soo galay Facebook oo ah meel qofka kula saaxiibka
ah aad wax badan isku dhaafsan kartaan iyadoo la wada arkayo ama lawada aqrisan
karo.
Waxaan
Yuusuf Garaad kula talin laheyn in uu isku dayo qaabka uu u qancin karo
dhagaytayashiisi hore kuwa taageersan iyo kuwa mucaaradsanba oo uusan u arkin
in ay dhib weyn ku hayaan kadibna si caro leh uusan ugu jawaabin, waayo fursad
ay u haystaan maanta oo horay aysan ugu heli jirin.
_______________________________
Nagala Soo xariir emailka
newbanaadir@hotmail.com
www.newbanaadir.com
