Daawo Sawirada Qaabkii Maanta u Fuliyeen Howlgal wada Jir ah Ciidamada Dowlada iyo kuwa AMISOM oo lagu soo qab qabtay Rag katirsan AL-Shabaab

Ciidamada Dowlada Soomaaliya iyo kuwa AMISOM ee ku sugan Magaalada Baladweyn ayaa Maanta Xaafado kamid ah Magaaladaasi waxa ee ka sameeyeen Howlgalo gaar ah oo lagu soo qab qabtay rag lala xariiriyay Al-Shabaab iyo Hub.

Howlgalkan ee iska kaa shadeen Ciidanka Dowlada iyo kuwa AMISOM ayaa si gaar ah waxaa looga fuliyay Xaafada Howl Wadaag ee Magaalada Balad Weyn halkaas oo lagu soo qab qabtay in kabadan 20-qof oo lagu tuhmayo in Al-Shabaab xiriir la leeyihiin iyo hub.

Guddoomiyaha gobolka Hiiraan Cabdi Faarax Laqanyo oo ka hadlay Howlgalkan ee fuliyeen Ciidanka Dowlada iyo kuwa AMISOM ayaa sheegay in lagu soo qab qabtay Dagaalyahano katirsan AL-Shabaab iyo hub nuucyo kala duwan ah.

Cabdi Faarax Laqanyo ayaa xusay in dadkan la qab qabtay Maanta baaritaano dheeraad ah lagu sameyn doono cidii dambi lagu helana Xabsi lagu heyn doono kuwa kalana lasii deyn doono.

Howlgaladan ayaa imaanaya xili amaanka Magaalada Baladweyn uu soo hagaagayo waxaana si joogto ah howl galo amaanka lagu xaqiijinayo kaga sameeya Ciidamada Dowlada Soomaaliya iyo kuwa AMISOM.