Wasaarada Arrimaha Dibadda ee Kenya, ayaa warqadaan u soo dirtay dhigeeda Somaliya, waxayna ku muujisay sida ay kaga xun tahay xariga Ciidamada Boolisku u geysteen Qunsulka.
Amb. Maxamed Cali Nuur (Ameeriko), Safiirka Soomaaliya ee dalka Kenya, ayaa waxa uu maanta dib kaga hawlgalay Xafiiskiisa Magaalada Nairobi, markii uu dib ugu laabtay laba toddobaad kadib.
Safiirka oo arrintaan ka hadlaayay, ayaa sheegay in Dowladda Soomaaliya si diiran u soo dhoweysay raaligelinta ay Dowladda Uhuru Kenyatta ka bixisay xarigii Qunsulka.
Marba haddii Kenya raaligelin u jeedisay dhigeeda Soomaaliya, ayaa waxa uu ku waramayaa in xariga Qunsulku aanu hoos u dhac ku keeni karin xiriirka labada dal.
Soomaaliya, ayaa Safiirkeeda Kenya u yeeratay, si su'aalo looga weydiiyo waxa keenay xariga Kenya u geysatay Qunsulka Safaarada Soomaalida ee Magaalada Nairobi.
by,,,, mr heyle.,,,,,,,
_______________________________
Nagala Soo xariir emailka
newbanaadir@hotmail.com
www.newbanaadir.com
