Waxaa magaalda Adis ababa ee xarunta dalka Ethiopia habeenkii xalay ahaa lagu kala saxiixday heshiis iskaashi kaa oo khuseeya dhinaca Waxbarashada laba dowladood Soomaaliya iyo Ethiopia waxaana u kala saxiixay Wasiirada Waxbarashada labada dal.
Heshiiskaan oo ka koobnaa dhowr qodob oo aad muhiim u ah ayaa la filayaa in dhawaan la dhaqan galiyo iyadoona si dhaw la iskaga kaashanayo dhinacya Shahaadada iyo sidii ardayda Soomaaliyeed loogu fududeyn lahaa Waxbarashada ay u aadayaan dalkaas.
Soomaaliya waxaa Heshiiska u saxiixay H.E. Ciisa Maxamed Axmed (Guraase) Wasiirka Waxbarashada iyo Barbaarinta halka uu dowladda Ethiopia u saxiixay H.E. Demeke Mekonnen Wasiirka Waxbarashada ee Ethiopia, waxaana dhawaan la faliyaa in uu bilowdo dhaqan galinta heshiiskan iyagoona ay ka shaqeyn doonaan guddiyo farsamo.
Ethiopia waxa ay ka mid tahay dowladdaha ay inta badan ardayda Soomaaliyeed u aadaan waxbarashada, waxa ayna tani daba soctaa heshiisyo ay Wasaaradda Waxbarashada Soomaaliya la gashay Dalal badan kuwaas oo ay ka mid yihiin Kenya, Sudan, Yemen, Turkey, China iyo kuwa kale.
_______________________________
Nagala Soo xariir emailka
newbanaadir@hotmail.com
www.newbanaadir.com
