Hooyo u dhalatay Dalka Mareykanka oo lagu Magacaabo Shirley Sotloff ayaa iyada oo murugeesan waxa ay fariin u dirtay Hogaamiyaha Kooxda Islaamiyiinta ee Daacish Abu Bakar Al Baqdadi.
Shirley Sotloff ayaa Canjal Muuqaal ah waxa ay dirtay hogaamiyaha Daacish Abu Bakar Al Baqdadi, waxa ayna ka codsatay in loo sii daayo Wiilkeeda oo Suxufi ah oo gacanta ugu jira Kooxda Daacish ee ka Dagaalanta Dalka Siiriya.
Hooyadan Murugeesan ayaa sheegtay in wiilkeeda Steven Sotloff uu ahaa suxufi mar walba jecel inuu caawiyo dadka dhibaateysan. Isla markaana u tagay dalka Siiriya inuu war kasoo tabiyo dowlada diktatoorka ah dhibaatada ay ku hayso shacabkeeda.
Steven Sotloff oo ah Suxufi u dhashay Dalka Mareykanka gacantana ugu jira Kooxda Daacish ayaa dalka Siiriya lagu afduubay Sanadkii hore , waxaana Muuqaalkii ugu horeeyay ee Suxufigaan ay kooxda Daacish oo bandhigtay isbuuc kahor xiligaa ay kooxdu baahisay Dilka Wariye kale oo u dhashay Dalka Mareykanka.
Kooxda Islaamiyiinta ee Daacish ayaa ku hanjabtay in ay dili doonaan Wariyahan kale ee gacantooda ugu jira hadii ay Dowlada Mareykanka joojin weyso duqeymo ay ku heyso , lamana oga fariinta Hooyadan Murugeesan u dirtay Hoaamiyaha Daacish waxa uu ka badali karto xaalka wiilkeeda uu kusugan yahay.
_______________________________
Nagala Soo xariir emailka
newbanaadir@hotmail.com
www.newbanaadir.com
